Ilustracións de José Baqueiro Canabal, textos de Elena Iglesias Durán e tradución a inglés de María Recouso Barbeito.

Trátase dun paseo ilustrado con 50 acuarelas de espazos emblemáticos da cidade e orientada a un público local e para o visitante.

A ruta pictórica que nos propón Baqueiro lévanos a unha peregrinación pola améndoa compostelá: un burgo construído man a man ao longo dos séculos. O artista foxe das perspectivas aéreas para situarse ao pé dos edificios. É un camiñante máis que se deixa seducir pola beleza das xeometrías e a profundidade lírica do granito.